Newyddion

Cynnwys Newyddion

Caneuon ar y Cledrau 10/7/2008

Harriet Earis yn perfformio yng Ngorsaf Rheilffordd Aberystwyth ar ddydd Llun Mehefin 16eg. Roedd gorsaf Rheilffordd Aberystwyth yn ferw ddydd Llun gyda thonau hyfryd Telyn Celtaidd y perfformwraig lleol, Harriet Earis. Roedd Harriet yn chwarae yn yr orsaf fel rhan o waith estyn-allan Gŵyl Gregynog i ddod â cherddoriaeth at y lluoedd.

Creuwyd cyffro gan berfformiad Harriet ymysg ystod eang o bobl oedd yn yr orsaf, sydd yn ganolbwynt cymdeithasol pwysig i'r dref yn ogystal â gorsaf gweithredol, ynghyd â'r rhai oedd wedi mynychu'n uniongyrchol i'w chlywed hi'n chwarae.

Yn gwmni i Harriet ar y diwrnod oedd ‘grŵp cefnogi' oedd yn cynnwys aelodau trefnu Gŵyl Gregynog, Gerwyn Jones o Bartneriaeth Rheilffyrdd y Cambrian a chynrychiolwyr o Chandler KBS oedd wrth law i ddarparu gwybodeth am y Ŵyl, y Rheilffordd a'r gwaith adeiladu ar swyddfeydd newydd Llywodraeth Cynulliad Cymru yn Aberystwyth.

Medd Dr. Rhian Davies, Cyfarwyddwr Artistig Gŵyl Gregynog: "Dyma ddigwyddiad cyntaf estyn-allan yr Ŵyl am y flwyddyn yma, ac rydym mor ddiolchgar i Gerddoriaeth Byw Nawr! Cymru, Partneriaeth Rheilffyrdd Y Cambrian a Chandler KBS am eu cefnogaeth. Fy syniad oedd i greu cyfarfod ddamweiniol rhwng cerddoriaeth a'r rhai sydd yn pasio drwy orsaf Aber, ac mae'r digwyddiad wedi bod yn lwyddiant ysgubol gyda rhythmau Celtaidd bachog Harriet yn atseinio o amgylch cyntedd yr orsaf."

Harriet Earis a Gerwyn Jones yn Marchnad Y Drenewydd ar ddydd Mawrth y 17eg o Fehefin. Soniodd Gerwyn Jones, ar ran Partneriaeth Rheilffyrdd Y Cambrian, "Rydym yn ymgymeryd â ystod eang o weithgareddau yn ystod y flwyddyn i hyrwyddo'r gwasanaethau trên ac yn wastad yn chwilio am ffyrdd newydd o godi proffeil y rheilffordd – mae bod yn gysylltiedig a rhywbeth fel hyn yn sicr o'n helpu i wireddu hyn yn ogystal â chefnogi Gŵyl Gregynog sydd yn ddigwyddiad diwylliannol lleol pwysig."

Gan ddatblygu ar lwyddiant y digwyddiad yng ngorsaf Rheilffordd Aberystwyth, gwnaeth Harriet berfformio yng Nghanolfan Siopa ‘Bear Lanes' yn Y Drenewydd, ar ddydd Mawrth y 17eg o Fehefin. Eto, ymunodd aelodau trefnu Gŵyl Gregynog a Gerwyn Jones a dosbarthwyd deunydd hyrywddo ar gyfer yr Ŵyl a'r Rheilffyrdd.

Nodiadau

1. Mae Harriet Earis yn gysylltiedig â Cherddoriaeth Byw Nawr! Cymru, sy'n elusen a sefydlwyd gan y diweddar Arglwydd Menhuin er mwyn dod a cherddoriaeth allan i'r Gymuned a hefyd er mwyn rhoi cyfle i artistaid ifanc gael y profiad pwysig o berfformio'n fyw.
2. Mae Tocynnau ar gyfer Gŵyl Gregynog, sy'n rhedeg tan ddydd Sul y 22ain o Fehefin ar werth yn Theatr Hafren, Y Drenewydd (Ffôn: 01686 625007) a mae mwy o wybodaeth ar y rhaglen llawn ar gael yn www.gwylgregynogfestival.org
3. Mae Partneriaeth Rheilffyrdd yn hyrwyddo Prif Lein Y Cambrian rhwng Aberystwyth a'r Amwythig a Lein Yr Arfordir rhwng Machynlleth a Phwllheli.

Am ragor o wybodaeth, cysylltwch a ni drwy ddefnyddio'r ffurflen Adborth neu drwy'r manylion cyswllt ar y chwit.