Newyddion Cynnwys Newyddion

Cefnogaeth yn datblygu cysylltiadau rheilffordd08/12/2009

Ar ran Partneriaeth Rheilffyrdd y Cambrian mae Cyng. Michael Williams yn cyflwyno crysau polo i Dorian Lloyd, Capten Clwb Rygbi Machynlleth. Hefyd yn y llun mae chwaraewyr, hyfforddwyr ac aelodau o bwyllgor y Clwb, Gerwyn Jones (Partneriaeth Rheilffyrdd y Cambrian) a David Crunkhorn (Trenau Arriva Cymru).

Fel rhan o'i gwaith yn datblygu cysylltiadau gyda'r gymuned leol mae Partneriaeth Rheilffyrdd y Cambrian (PRC) wedi cyflwyno set o grysau polo newydd i Glwb Rygbi Machynlleth.

Medd David Crunkhorn, Rheolwr Gorsafoedd Y Cambrian Trenau Arriva Cymru, "Mae Gerwyn o'r PRC a finnau yn rhannu swyddfa ac rydym hefyd ein dau yn gyn chwaraewyr rygbi rheng flaen. Fel cefnogwyr rygbi brŵd mae'n wych fod y rheilffordd yn medru cefnogi tȋm lleol yn y modd yma".

Yn ystod y flwyddyn mae PRC hefyd wedi, neu wedi ymrwymo i, ddarparu cefnogaeth i ystod eang o ddigwyddiadau, clybiau a gweithgareddau lleol gan gynnwys:

• Gŵyl Gregynog, Y Drenewydd
• Carnifal Cambria, Abermaw, Harlech a Chriccieth
• 'Cheerleaders' y Tywyn Tigers
• Gŵyl Gwrw Llanbedr
• Tȋm Pêl-droed Iau y Machynlleth Hurricanes
• Clwb Snwcer Machynlleth

Drwy werthi posteri yn cynnwys arlunwaith rheilffyrdd mae'r PRC hefyd wedi gallu codi cannoedd o bunnoedd i achosion da gan gynnwys Ambiwlans Awyr Cymru, Apel Arbed Cloc Machynlleth a'r Groes Goch Brydeinig.